طريقة مبتكرة لإقناع اللاجئين بالعودة إلى " حضن الوطن " .. لاجئ تائب مجهول الهوية يكشف " حقيقة أوروبا المرعبة " ! ( فيديو )

أجرى برنامج تلفزيوني تعرضه قناة سما التابعة للنظام، لقاء مع شاب مجهول الهوية، قالت إنه عاد من هولندا لينضم للجيش النظامي.

وقال الشاب واصفاً حال السوريين في أوروبا: "في شباب عايشين على أي نوع من المخدرات حتى يقدر يبقى متحمل"، وعن عودته إلى سوريا قال: "حب الوطن هو شي بروح الواحد ويمكن كل العالم خير وبركة واللي عاش بالشام وولد فيها ما بيقدر يعيش غير فيها يمكن يعيش برا بس كل يوم بعيش بذل وقهر والدليل وقت شافوني أهلي وكل حدا بيعرفني كان يقلي شو عمل فيك الزمن".

وأضاف: "خسرت صحة كتير خسرت نفسيتي انا خلال هالسنتين ونص مع انه كان في جيش وبعرف، بالعكس عشت المعاناة اللي عاشها العسكري ثمان سنين، أنا عشتها خلال السنتين ونص".

وأضاف أيضاً: "الدكتور بشار الله يطول عمره، العفو اللي عطاه للعالم، يعني لازم العالم تستفاد منه لأنه يمكن بعد هاد العفو يعني هو قلبه كتير كبير بس اللي ترك بلده أكثر من هي الفترة يمكن يكون أموره كتير صعبة برجعته لبده".

وعن عودته إلى سوريا قال: "زوجتي كانت ردة فعلها ممتازة هديك البلد مو إلنا مو حياتنا مو جونا مو مجتمعنا الحياة، هنيك ما فيك تحكي مع اي حدى لا مرتك ولا ابنك ولا أي انسان، هنيك ما فيك تربي ابنك متل ما إنت بدك الحياة بدها تمشي غصب عنك".

وحول تعامل النظام معه على الحدود، رسم الشاب صورة وردية وقال: "أنا رجعت وبعرف علي احتياط وسلمت نفسي وكان ما في أي شي قعدنا يوم واحد لبين ما فرزونا، كانت الأمور عادية وطبيعية يمكن صار إلي شي ما صار للي انمسك غصب عنه، الأمور كانت روتينية يوم واحد وتاني يوم التحقت بالقطعة اللي كنت مفروز عليها".